130-гадовы юбілей з дня нараджэння вядомага  беларускага паэта  Максіма Багдановіча  адзначылі ў гімназіі №71. Маладосць і геніяльнасць - дзве дамінанты, якія вызначаюць лёс гэтага славутага паэта. Яго  творчасць, яго душа былі непарыўна звязаны з Радзімай. Настаўнікі беларускай мовы і літаратуры разам з вучнямі правялі ў гонар славутага паэта літаратурна-музычную гасцёўню "Разам да  зор...". Вучні чыталі на памяць  вершы Максіма Багдановіча, слухалі песні Уладзіміра Мулявіна, напісаныя на вершы паэта. Спадзяемся, што творчая спадчына Максіма Багдановіча ўзбагаціла душы юных беларусаў.